秋雪攻略

Fantasie

因為小弟用evo5 玩, 可能對用其他車的人不符合. 小弟提出自己的經驗, 如果那裡需要修改以做出更快時間請提出. 另外小弟亦在沒有撞的情況完成.

首先, 用返ver2 的起步方式, 6500, 7500, 8000; 過了第一個小灣就上5波.
到了第一個右灣, 踩brake落4波後轉(到了黃色指示牌轉), 灣心踩油然後出晒灣至回鈦(中文忘了點打). 因為在雪地上轉灣扭盡佢會好易360度係咁轉, 所以扭的時候唔駛扭盡.

到了「左、右、左 」 的複合彎, 先貼近左牆, 扭入貼近右灣灣心, 再踩brake, 4波扭入, 出灣時踩油+回鈦, 否則會掂牆.

過了cp1 後的第一個灣落4波扭入, 今次要快出晒灣先踩油再靠右, 在之前會發現車已經好近牆; 在剛剛到右邊馬路又會準備轉左, 呢度用「放、扭、踩 」的方式入, 扭鈦方面扭80%就得, 再入會撞灣心. 咁當然如果成功咁一路去的大路都會快d.

到了秋名的3連灣同ver2 過灣的方法一樣, 只是第3個灣小弟是轉入去的同時落4波, 出灣上返5波, 因為呢個灣唔係長, 做一個短時的「落入上出」唔會影響太多, 如果掌握唔好, 會撞牆或跌1~4km左右.

到了之後的灣就是必做的直線brake, 如果之前個小灣轉完唔係靠左, 只要及時在轉灣前回到左邊落4, 踩brake再轉, 出灣踩油就冇問題. 這裡都係o個句最好唔好撞牆, 之後的大路雖然夠時間俾你上到5波, 但都可能俾人追過, 電腦都會o係呢個時候加速.

跑完大路就要急brake 轉灣喇, 呢度主要都係睇落4波踩brake及扭入灣心的時間掌握, 到灣心就踩油出返; 咁之後的大路就會有更怏的加速. 呢段路之後就係著名的5連灣, 發現在雪地中踩油時間比dry&wet 地多.

在5連灣前的直線剎車大家都知係入灣前的紅區, 這裡落3波扭過一半左右入, 然後上4波踩油出. 跟住的3個灣都係放油扭盡再踩油出, 而最後一個則放油扭入後就即刻踩返油, 之後應該夠速度上5波.

過了cp3 後, 預入灣前大約個半車位放油落4波扭入, 一過了灣心就踩油出; 至於跟住的灣基本上唔多需要放油過, 用out-in-out 的方式扭盡鈦過就得. 過了一段路的中灣就扭近80%的入就得, 當然睇大家的自然反應. 到了「煙花直路彎」(如攻略所取名, 請參考返「秋名下坡DC2 2分52秒台攻略」)放d油到出灣踩實油就得.

之後去到「FC86灣」(小弟自作, 參考頭文first stage 拓海vs涼介一幕), 因為雪地關係如果遲左入灣就一定撞牆, 早入的也小心in-out時撞牆; 這裡經朋友建議參考, 在入灣時落4波過, 如果速度可行就入左灣先上返5波. 但如果高手們(或熟秋名人士), 可以睇準位就可以用out-in-out 過. 而之後最後一個灣就去放油入, 到灣心踩油出.

以上是小弟的個人經驗, 因為還不是玩了很久雪地, 是以跑雨天的經驗黎更變. 而且有一半灣是可以參考網上的攻略「DC2 秋名下坡 52 秒台攻略 (1)&(2)」來作出適當的改善.

有咩寫得唔好請提出, 因這是個人見解.